البطل المضاد
قصيدة بالعامية المصرية
هذا ما جنيت على نفسي و ما جنى عليا أحد إستعذت بالله من الشيطان و نسيت شر نفسي لا المستمع عاقل ولا المتكلم شاعر كُلنا يا إبن آدم نفسي... نفسي الاسم في التقارير ... إنسان و في خانة التشخيص: هوائي و محدش كان فهم أصلي عشان يعرف فصلي و يوصف دوائي و مهما أدور منين أجيب الناس مش بلاقي لست في هذا الزمن من الفُرسان زمان أسوء من زمان و لا بطل بدون بطولة و بدون خطاوي مقبولة كان الأنا عنوان لخط مش مُستقيم رسمة مش رسمي جميلة و فيها قُبح عن تجربة مش نصح عِبرة أصدق من مثل لا تسأل مين وصل إسأل مين جرّب إسأل مين فشل إسم عايش و عمل مدفون أغلفة بدون مضمون و أمّا قولت الحق مُر قالوا شوفوا المجنون يا إبني كان عقلي يوزن السبع قارات و كنت ب إيد .. فيها السبع صنعات و قلب بيلعب في الحارة السبع بلاطات كنت عارف إني هغرق غرقة ما غرقها حد و إني هنزل من قمة المجد إلى قاع من ظلمته معرفهوش ليس العجب في المجانين العجب كل العجب , في العاقلين كيف متتجننوش؟
