كلمة الحمامة
قصيدة بالعامية المصرية
لوحة الفنانة نسمة مُحرم
إسمع صوت الرفرفة كويس و إعرف إني هنا و إن هنا مفيش تقليد انا فيا من روح جدودي و من روحي فيه تجديد و الكون كله حدودي و عُشي في الأرض قريب و مش بعيد انا الحمامة القلب إلي على صغره بيشيل ياما تقرب مني أكش و في طيراني مقدامة لا ريشي إسود غراب ولا ملون يمامة أبيض زي قلبي و في الجنة الي زيه زيي و ماشيها بإستقامة انا مش إنسانة بتحزن ع الفاضية و المليانة انا ببكي ثواني على عش إتهد و ببنيه بإبتسامة أطير .. أطير و مشوفتليش استكانة و عارفة سِكتي و سِربي و مش خايفة .. مش عامية .. مش جبانة انا طايرة في السما أمانة لحد ما يموت الغُراب و تتهد الحيطان الي سامعانا إنسى كل من له جناح و متنساش الحمامة آه يا حمام الدنيا قايدة جوانا و يقولوا رمز سلام سلام للسلام أنا رمز حرية تالتة الهوا و المياة انا رحمة بيك و رحمة ليا انا مخلوقة للسما مش للقفص انا روح طليقة و ريش إتحبس و مش بستفاد بالشبع مع ضيق النَفس ولا هرضى أعيش في أقفاص عشان حُسن النية أنا حلمي حلمين الوليف و الونس أنا حمام موهوب و مش موهوم و كاشفكم من فوق الغيوم طاير أكيد بتحبوني ممكن لكني مش مفهوم و حر من هنا لحد ما القيامة تقوم